|
[Discography] Georges Khabbaz
http://a4.sphotos.ak.fbcdn.net/hphot..._1071604_n.jpg ► 3al Tari2 [Soon] Carlos Azar - Chattet El Denyi [Man's Version] Chattet El Denyi [Woman's Version] Georges Khabbaz & Carlos Azar - 3erssak Arrab Joseph Assaf - El 3aj2a Joseph Assaf - El 3eres Nader Khoury - El Ba7er Bijenn 3leyki ► Chou El Adiyye Georges Khabbaz & Joseph Assaf - Ybarek W Yzid [Soon] Joseph Assaf - Allah Ysam7ak Ya Bayi Ma7kamet El Dal3ona ► Halla2 Wa2ta El Layle El Khotbe 3al Metrass & Ana Wel Leyl W 7abibi Georges Khabbaz - Rfi2e El Chahid Georges Khabbaz & Layal Daou - Ahla W Sahla Fike Joseph Assaf - Dira Rebbeniyeh Joseph Assaf - El Tedrib Layal Daw - Ya Watani Chou 3a Bali [Soon] Nader Khoury - Chou Bade E7kilak ► Kezzeb Kbir El Zaffe Georges Khabbaz - Esme Ne3men El Mansour [Soon] Georges Khabbaz - Kebrit El Bannout ► Le Professeur [Soon] 7abibi Chorte Baladiye Carlos Azar - Khallike B3ide Georges Khabbaz - Latlate Georges Khabbaz - Sobb El Kass Nader Khoury - Sara2oulak Siyyartak ► Matloub [Soon] Cynthia Karam - Min Yamma Min Cynthia Karam & Laura Khabbaz - Fenjan Wara Fenjan Georges Khabbaz - Rja3e Ya Hak El Ayyam Joseph Assaf & Gilbert Jalkh - 3ala Babik Ya Safara Na7na El Mazloumin Nader Khoury - Ya Nahr El Safar ► Msibi Jdide Bi Kell EL A7wel Gilbert Jalkh - El A7ad Men 3achiye Na7na Jina Jina [Soon] Talal El Jerdi - 7elwin El Banet ► Others Georges Khabbaz - 3ada 3an Enna Georges Khabbaz - 7keyit Watan [Soon] Georges Khabbaz - Abdo & Abdo Georges Khabbaz - Ach Badik Ba3mel Georges Khabbaz - Assi El Rahbani Georges Khabbaz - Bi Sara7a Georges Khabbaz - El Ghenwa Di Georges Khabbaz - Kheyif Tokhlas El Deni Georges Khabbaz - La7zet Wafa Georges Khabbaz - Red 3a Telephonak Red Georges Khabbaz - Se3a Bel Ize3a Georges Khabbaz - Toul 3omre E7lam [Soon] Georges Khabbaz & Fadi Andraos - Fadi & Radi Georges Khabbaz & Nader Khoury & Gilbert Jalkh - 7aji Tghannou |
Georges Khabbaz - Assi El Rahbani
Georges Khabbaz - Assi El Rahbani وينك يا عاصي الرّحباني يا صانع أحلى الإيّام يا راسم أبهى المعاني يا كاتب أجمل كلام وينك يا عاصي الرّحباني يا خالق أعذب ألحان تعا تفرّج عَ اللّبنانيّ تعا تفرّج عَ لبنان اللّي قلت عنّو رسالة صفّا من نار و دخّان و صفّت جبال زبالة اللّي سمّيتا جبال الصّوّان و لبنان الأخضر صفّا وحل و انردموا حجار شواطينا و سكّروا طريق النّحل و عركت عَ موقف دارينا فقّروا شعبي الكريم و عزّزوا الطّائفيّة و حرقوا بيوتا ل ميس الرّيم و قصفوا جسر اللّوزيّة و حوّلوا قصيدة حبّ لَ حقد مالو دوا و لعبوا ب مصير الوطن متل دواليب الهوا و بعدو المتسلّط فاتك عم يقتل مدلج كلّ يوم مش عم يوعوا هالحكّام حتّى نقلّن صحّ النّوم مش ماشي إلّا التّدجيل الكذب السّرقة و الشّفط مااحلى اللّيل و القنديل قدّام حروب النّفط تراب الرّبيع السّابع حقد و أسى زرعوه و بيخوّفونا من راجح يلّي هنّي اخترعوه خلصت ب عيوننا الأحلام كلّ يوم ب يومو منعيش و بعدنا منلحق حكّام و منقلّن يعيش يعيش عم منربّي هالاولاد حتّى يهاجروا مع الرّيح و اللّي بقيوا ب هالبلاد بقيوا نواطير مفاتيح الحلم سفر و محطّة و هرب من العيشة المرّة و بعدا ماشية هالخطّة المؤامرة مستمرّة يا ريت خفنا عَ الوطن متل اللّي خايف عَ بيتو يا ريت حبّينا الوطن قدّ ما إنتَ حبّيتو بعرف مع ستّك الختيارة عم تسقوا جنينة العيد عم تحكوا حكاية الإسوارة عم تحلموا ب لبنان جديد لبنان بيوعدك يا عاصي رح يبقى ل فكرك صديق رح يتخطّى المعاصي و يحلّق طير الفينيق و مهما الغيمة السّودا تهلّ و لو مهما الغدر أمر رح يبقى القمر يطلّ و يضوّي جسر القمر و مهما نضيع و مهما نتوه ب قدرة قادر راجعين هالة رح تكشف الوجوه و بدّو يرجع فخرالدّين و عَ صوت فيروز نسهر و كلماتك ضمير تغزّ انشااللّه ب عودة العسكر رح يرجع موسم العزّ |
Georges Khabbaz - La7zet Wafa طلّوا علينا متل نسمة فاتوا عَ كلّ قلب و بيت عَ وجوهنا زرعوا البسمة و فلّوا وحدن عَ السّكّيت بكّونا و ضحّكونا و ياما أثّروا فينا الفنّ الأصليّ عطيونا و عَ شغلن نحنا ربينا كلّن راحوا زعلانين و عَ ال ما حدا عتبانين غنيونا بالسّعادة و هنّي عاشوا طفرانين بسطونا بحبّ و إحساس و ما حدا منّن فلّ مبسوط بيتن كانت قلوب النّاس و هنّي كانوا بلا بيوت شوشو ضحّك الملايين ممثّل كوميديّ قدير توفّى مقهور و حزين و ترك هالدّني بكّير و فريال كريم المهضومة اللّي ضحكتها تملّي المطرح حقوقها كانت مهضومة و فجأة وقعت عَ المسرح إيلي صنيفر الممتاز ممثّل قويّ و حقيقيّ كيف ممكن ننسى إستاذ إسمو فيليب عقيقي ابراهيم مرعشلي اللّذيذ لمياء فغالي الحنونة الياس رزق العزيز بلبل ماجد أفيوني و علياء نمري إمّ الكلّ ذكراها جوّا بتضلّ قاومت حتّى ما تفلّ و فلّت منّها ممنونة و نبيه بو الحسن الجبّار اللّي كان مسرّب من حفلة فاجأه الموت الغدّار و سكت الأخوت عَ غفلة و رضا خوري القديرة أللّي أدوارها بتنده للدّمع و بالقلب صورة أميرة إسمها هند أبي اللّمع و مين اللّي منّو فايق مين عَ البوياجي و عَ فخر الدّين عَ بو ديب و عَ المختار الملك نصري شمس الدّين و فيليمون وهبي اللّب عامل أحلى و أهضم الأدوار كان عنّا محمّد شامل بالدّنيي هيك المختار ناديا حمدي ... شفيق حسن إيلي ضاهر ... رشيد علامة وسيم طبّارة النّاقد و ما بتخلص الأسامي سمير فوزي أبو الشّباب جوزف ناصيف و شرنّو بو ملحم و إمّ ملحم و جوزف صقر بما إنّو بيكبر هالوطن الزّغير و بيرفع راسو اللّبنانيّ بشخص المعلّم الكبير اللّي إسمو عاصي الرّحباني الممثّل ب بلادي بيتكرّم بعد ما يموت بشقفة ورقة و بشهادة و ب شريطة على التّابوت بيقضّي حياتو فقير نتفة نتفة بينتسى بيفضّل يروح بكّير لَ يهرب من الأسى و هون بلاد الحضارة و منارة الشّرق لبنان و فنّانينو يا خسارة حتّى ما عندن ضمان نحنا بعدنا نقابتين منتقاتل على الميلين و فوقها مندفع ضرايب لَ نشارك بردّ الدّين الثّقافة وجّ البلد و المسرح وجّ الثّقافة و الممثّل وجّ المسرح و تكريمو منّو كافي يا فنّانين بلادي تكريمكن واجب و فرض لكن تكريم السّماء أحلى من تكريم الأرض |
Georges Khabbaz - Rfi2e El Chahid
Georges Khabbaz - Rfi2e El Chahid اسمعني يا رفيقي الشّهيد يلّي تركتنا بكّير نفس الغلطة عم منعيد واللّي صار رجع يصير رجعنا نمشي نفس الدّرب عم منفتّش عَ ما شي كأنّو كلّ سنين الحرب ما تعلّمنا منها شي تلاتين سنة من الذّلّ بيظهر ما بتكفّينا رجع الحقد فينا حلّ رجعوا يلعبوا فينا الشّباب بعدها بتفلّ و عم نسمع صوت القنابل رجع الكلّ يسبّ الكلّ انخلط الحابل بالنّابل مشيت لغة التّجريح و البلد ما شفيوا جراحو قولك رح تاخدنا الرّيح ما بيكفّوا اللّي راحوا سبق و شربنا من الكاس و بكينا عَ المقابر ما اشتقنا عَ خطوط التّماس لا اشتقنا عَ المعابر قلّن حاج يضحكوا عَ النّاس اللّي بيحكوا عَ المنابر يا ريت فيك تزورن اليوم مش عم يسمعوا منّي فيّقن إنت من النّوم ببلد متل الجنّة قلّن يا بشر أوعى ترجعوا لهاك الإيّام صار لازم بقى نوعا بلد بيلبقلوا السّلام ما حدا منّا سئلان و عَ وطنه خايف كلّ واحد فاتح دكّان لَ يتاجر بالطّوايف يا عالم كلّ الأديان بتدعي لَ نكون محبّين نحنا منكره الإنسان و منحطّ الحجّة بالدّين قلوبنا صارت من حديد ما تعلّمنا من الماضي خايف يا رفيقي الشّهيد تكون رحت عَ الفاضي بنتك صارت صبيّة صار عمرها فوق العشرين عم تسأل وينه بيّي بيّي استشهد كرمال مين قلتلّها بيّك بدمّه دفع حقّ الحرّيّة القضّيّة كانت همّه استشهد للقضيّة قالت أيّ حرّيّة شو بدّي بالقضيّة مبارح بحفلة تخرّجت ما كان بالحفلة بيّي قلّن يوعوا من جديد ما يرجعوا للماضي حتّى يا رفيقي الشّهيد ما تكون رحت عَ الفاضي ليش ضحكات الأطفال عنّا الخوف بيخطفها بلدي يا أحلى وردة الكلّ بدّو يقطفها |
Georges Khabbaz - Kebrit El Bannout
Georges Khabbaz - Kebrit El Bannout كبرت البنّوت كبرت ستّ الكلّ صار بدّها تتجوّز تتركني و تفلّ ربيت بدموع العينين ربيت بالنّقديّ و بالدّين بيجي واحد مدري منين بياخدها و بيفلّ شو غنّيتلّها لَ تنام بليالي الشّتويّة و عدّيتن عدّ الإيّام تَ صارت صبيّة تقهقرت تعذّبت سنين كرمال عيونا الحلوين لمّا صارت بالعشرين عريس الغفلة طلّ تَ ياخدها و يفلّ |
Georges Khabbaz - Abdo & Abdo
Georges Khabbaz - Abdo & Abdo الأولاني إسمو عبدو والتّاني إسمو عبدو الأولاني بيخدم التّاني و عبدو عبده لَ عبدو الأولاني مخّو مقتول والتّاني مخّو تنك الأوّل بِ درسو مشغول والتّاني بطقّ الحنك الأوّل بيهمّه الأدب حاطط راسه البّدرسات التّاني دقّوا عَ الخشب مسوسح كلّ البنات تنيناتن ولاد خالات كلّ واحد عندو حالات هالتّاني محتال كبير مفكّر حاله معو الحقّ الأولاني معتّر كتير و عم يطلع بِ راسو الدّقّ كلّ واحد عندو عقلاتو لكن إسمن هوّي ذاتو |
Georges Khabbaz - Se3a Bel Ize3a
Georges Khabbaz - Se3a Bel Ize3a يلّا سوا تَ نمضّي ساعة بالإذاعة بتدوّر هالإذاعات بتتطلعلك الفنّانات عم بتخبّر عن أمورها عَ فساتينها و عن جمهورها و عم بتحاضر عن الفنّ لمّا تغنّي بتعنّ عنّ والنّاس عليها بتجنّ عَ شكلها و عَ طولها بتدوّر هالإذاعات بتتطلعلك الدّعايات عَ الآي سي و عن الشّوفاج عن الفلك و الأبراج و عندك برنامج إنسانيّ مع المذيع النّفسانيّ من المشاكل عم بتعاني بيحلّها عَ أصولها يتدوّر هالإذاعات بتطلعلك الأغنيات هيدي طرب و هي طقطوقة هي ملطوشة و هي مسروقة و عندك أعياد و تهاني و عندك سباق الأغاني بتدفع مبلغ الفلاني أغانيك الأولى بتدوّر هالإذاعات بتطلعلك المذيعات بوقاحة عم بتقولها إذاعتها هيّ الأولى بالمستمعين مفوّل أكتر واحد صار مطوّل برنامجنا هوّ الأوّل عَ الإذاعة الأولى |
Georges Khabbaz & Fadi Andaros - Fadi & Radi
Georges Khabbaz & Fadi Andaros - Fadi & Radi عايش عَ رواق و بالعجقة و مبسوط بحالي إجت مصيبة عليّ فجأة و شغلتلي بالي بعلمي لوحدي فاضي و راضي صرنا تنين فادي و راضي فادي و راضي يخزي العين تعوا شوفوا ملّا تنين فادي جغل عيونو لَ برّا راضي ما بيقشع بالمرّة آه يا ليل آه يا عيني يا ليل عَ فادي و راضي فادي عَ حسابو عقلاتو و من حلوة لحلوة جيت و خربطتلّو حياتو و بليته البلوة بعلمي لوحدو فاضي و راضي صرنا تنين فادي و راضي |
Georges Khabbaz & Layal Daou - Ahla W Sahla Fike
Georges Khabbaz & Layal Daou - Ahla W Sahla Fike أهلا و سهلا فيكِ بكلّ غنانيكِ أهلا و سهلا بهزّة خصرك إنتِ يا فنّانة عصرك أهلا و سهلا فيكِ بكلّ غنانيكِ أنا جيت أنا جيت عَ جناح الهوى أنا جيت أنا جيت تَ نغنّي سوا أنا جيت أنا جيت وجّي بوجّكن طلّ أنا جيت أنا جيت و جماهير بتنحلّ |
Georges Khabbaz - 3ada 3an Enna
Georges Khabbaz - 3ada 3an Enna عدا عن إنّها عصبيّة عدا عن إنّها خوتة ما بقدر إغفى عشيّة إلّا ما إسمع صوتها عدا عن إنّها مزاجيّة عدا عن إنّها عنيدة أنا لازم شوفها يوميّة هالشّغلة مش بِ إيدي عدا عن إنّها جذّابة جمالها مسبّب عذابي عدا عن إنّها كذّابة و منّا صحبة مع اصحابي إيه واللّه بانسى عذابي لمّا أنا بسمع صوتها عدا عن إنّها نقّيقة بدّها شغلتها بِ دقيقة عدا عن إنّها جريئة مش كلّ أخبارها بريئة ما بقدر تقطع دقيقة إلّا ما إسمه صوتها عدا عن إنّها مجنونة وهيّي سبّبتلي جنوني عدا عن إنّها ملعونة و كلماتها مش موزونة بانسى الدّني ما تلوموني لمّا أنا بسمع صوتها |
Georges Khabbaz - El Ghenwa Di
Georges Khabbaz - El Ghenwa Di الغنوة دي اللّي بغنّيها مالقتش موضوع ليها قلت بَصفصف كلام على الوزن و المقام الغنوة دي يابا مالهش معنى واللّي مش عاجبو ما يسمعنا واللّي عاجبو يفضل معنا عشان سوا نغنّيها بغنّي حبّ قلت لأ بغنّي ثورة ماليش حقّ بغنّي شوق بغنّي غرام بغنّي كذب و كتر كلام |
Georges Khabbaz - Ach Badik Ba3mel
Georges Khabbaz - Ach Badik Ba3mel Bonjour Bonjour Bonjour أوف أوف أوف أيشا حلوة هالمدام قولك أيش بتستعمل تعي لعندي يا مدام و أنا أش بدّك بعمل بدّك ياني نام بنام بدّك ياني قوم بقوم بدّك ياني آكل باكل بدّك ياني صوم بصوم امريني يا حياتي و أش بدّك بعمل |
Georges Khabbaz - Red 3a Telephonak Red
Georges Khabbaz - Red 3a Telephonak Red ردّ عَ تلفونك ردّ شز القصّة منّك مبيّن ما بدّي ديونك تسدّ ولا بدّي منّك إتديّن مش طالب ولا شغلة منّك أنا بدّي إتطمّن عنّك منّي لا صاحبتك ولا مرتك ولا البنك تَ كمبيالة تسدّ |
Nader Khoury - 3tebrini Batariyi
Nader Khoury - 3tebrini Batariyi قدّ ما تكوني ملهيّة و شو ما كانت ظروفك اعتبريني بطّاريّة بتشرّج لمّا بشوفك ما بدّي شي ولا طالب شي ضيوفك كتار احسبيني حدا من ضيوفك بنام بحلم فيكِ بوعا مهودس فيكِ ما بعرف شو فيكِ معلّقني فيكِ بحبّك نكاية فيكِ و مع هيدا و كلّو ما بدّي شي ولا طالب شي ضيوفك كتار احسبيني حدا من ضيوفك |
Joseph Assaf - El Tedrib
Joseph Assaf - El Tedrib واحد تنين … واحد تنين شدّ منيح الإجرتين راسك علّي ارفع الجبهة و إيّاك تجبّن عَ الجبهة عسكريّ نفّذ خطّة و إجرك بقوّة حطّها و إذا خالفت الأوامر رح تمشي مشية بطّة عسكريّ إحفظ الدّروس و عَ الأرض بقّوة دوس و إذا خالفت الأوامر رح تمشي مشية مرصوص عسكريّ لازم تنحبّ و إذا راسك نتفة قبّ تنزل قدّام الرّتيب و بتعمل عشرة بوش آب و لمّا بتحطّ الطّاسة مش ممكن راسك يروق عَ الشّمس بتصفّي صاج تعمل عليها مرقوق |
Talal El Jerdi - 7elwin El Banet
Talal El Jerdi - 7elwin El Banet حلوين البنات و شو حلوة الحياة الدّنيي رخ بسط و جخّ و شويّة مصريّات لكن هالإيّام البنات قسم منّن مش الكلّ عم تعمل عمليّات لَ تصير تشبه الكلّ إبرة هون و إبرة هون صارت كلّها سيليكون وعيونن نفس الخضرا تلات عمليّات بصدرا و عندك عمليّة بوتوكس بتتطلع متل اللّي آكلي بوكس بس برضو حلوين و شو بدّها بحسناتك و شو بدّها بأغلاطك المهمّ سيّارتك شو هيّي و ساعتك و صبّاتك إبرة هون و إبرة هون صارت كلّها سيليكون صارت هيّي أحلى النّاس يا فرحتها و يا سعدها Standard صارت كلّ النّاس البنات بتشبه بعضها بس برضو حلوين |
Bi Kell El A7wal
Bi Kell El A7wal بكلّ الأحوال بكلّ الظّروف ما بنسى عيونك لا واللّه و متلن ما بشوف لو مهما أبرم لو مهما شوف بقفر عيونك وحياتك من بين ألوف بعرف وحياتك إنّو بحياتك مش أنا وحدي اللّي ناطر واقفين صفوف كلّن وقفولك و جمالك وصفولك بقضّي عمري محبوس بقضّيه موقوف إذا بتريدي لا تكوني بعيدة بيكفي أنا بطابق أرضي و إنتِ بالرّوف إنتِ يا حلواي ليش مخبّاية رح إسرق قلبك يا قلبي و بكرا منشوف |
Georges Khabbaz - Bi Sara7a
Georges Khabbaz - Bi Sara7a بصراحة حلوة الصّراحة بصراحة رح قلّك شي حلوة و عيونك دبّاحة لكن ما بتعنيلي شي بصراحة إنّك حلواية شعرك عَ كتفك حرير سوسحتي الرّايح و الجايي مهضومة عيّوقة كتير بصراحة جسمك بيسطّل لكن ما بتعنيلي شي بصراحة إنّك لذيذة صوتك عَ الدّينة حنون البسمة عَ قلبي عزيزة و عندك أحلى زوج عيون بصراحة إنّك رهيبة لكن ما بتعنيلي شي |
Georges Khabbaz & Nader Khoury & Gilbert Jalkh - 7aji Tghannou
Georges Khabbaz & Nader Khoury & Gilbert Jalkh - 7aji Tghannou الفنّ الأصيل ما النا عنّو غنى لاحقين الشّهرة و لاحقين الغنى ما خصّن بالطّرب ولا خصّن بالغناء بيخلقوا عَ المسرح بلا تياب حاجي تغنّوا طلوع نزول طوشتونا واللّه طوشتونا نشاز تزيزق عَ طول لحظة رياحة عيرونا كلّ واحد همّو بجيابو طلّعتوا الفنّ من تيابو اتركوا الطّرب لأربابو و كلّ واحد عَ بيتو دخلاء عَ السّاحة حلّيتوا و نزّلتونا نزول حلوة و مصاحبة زنكيل تعمل Video Clip خصرها يمين شمال يميل فجأة بتركب Jeep و جمهوري جمهوري حبيبي أغاني غريبة عجيبة و علينا بتوقع المصيبة كلّ ما غنّيتوا دخلاء عَ السّاحة حلّيتوا و نزّلتونا نزول كلّ مدّة بيفرّخ مطرب بيفقّس أغاني بيطبّس شعرو بيقول كلام بلا معاني كلّ مدّة بيفرّخ مطرب بيفقّس أغاني بينفّش شعرو بيقول كلام بلا معاني تفقيس غناني و تخبيص لحن مطروق و تنشيز الفنّان الأصليّ التّعيس عم يبكي ببيتو دخلاء عَ السّاحة حلّيتوا و نزّلتونا نزول |
Nader Khoury - Chou Bade E7kilak
Nader Khoury - Chou Bade E7kilak متل اللّيلة متل اللّيلة عيد ميلادي بعيد عن أرضي عن مرتي و ولادي عَ خطوطك يا تماس قاعد وحدي عَ طول ناطر ورا المتراس عم إحرس المجهول شو بدّي إحكيلك عن عيدي يا بعيد أنا عيدي من غيرك ما بيتسمّى عيد إرحمني بقى بقى إرحم أنا صبري طال سهران لحالي عم حاكي خيالي إرحمني بقى بقى إرحم سهران و السّهر عادي سهران تَ إحمي بلادي سهران تَ يناموا ولادي بليلة ميلادي |
Gilbert Jalkh - El A7ad Men 3achiye
Gilbert Jalkh - El A7ad Men 3achiye الأحد من عشيّة عجقة بنصّ السّوق فجأة بتمرق هيّي و أنا وحدي عم سوق و بتطلّع فيّي عيونا بعينيّ كنّا ملوك الشّوفريّة نسينا كيف نسوق لحقتها عَ أوّل شارع و لحقتها عَ التّاني جيت بدّي إحكيها فجأة انربط لساني و اطّلّعت فيّي عيونا بعينيّ نسيت الأبيات الشّعريّة عَ إسمي مش عم فوق و من وقتا زاغوا عينيّ الحالة عم بتسوء |
Joseph Assaf - Allah Ysam7ak Ya Baye
Joseph Assaf - Allah Ysam7ak Ya Baye اللّه يسامحك يا بيّي لا تبعت سياسيّ ولا لحقت ريّاس كنت تقلّي يا بيّي بلا عيشة وسايط بلا وجعة هالرّاس بعرقنا بكرامتنا طلّعنا لقمتنا و تعبنا تَ متنا و متنا من الإفلاس اللّه يسامحك يا بيّي كلّ التّكميليّة كانت فيّي سامعة شخصيّة قويّة و علاماتي لامعة خلصنا الثّانويّة و دخلنا عَ الجامعة أوّل سنة ماشي الحال التّاني بصفّي تاني سنة ماشي الحال الأوّل بصفّي تالت سنة ضاق الحال ما عاد فيّي كفّي عطيونا إنذار الصّبح شحطونا عشيّة اللّه يسامحك يا بيّي عَ العلم عَ الشّهادات أنا قلبي محروق لمّا خلصوا المصريّات تركنا الحقوق فجأة استحقّوا الكمبيالات و نزلنا عَ السّوق اشتغلت عند محامي ما بيعرف قدّ نصّي أنا بنصّلّو الموادّ و هو بيسمّع نصّي أنا يلّي بدافع و هو يلّي بيرافع الصّيت للإستاذ عيد و كلّ الرّكّ عليّ اللّه يسامحك يا بيّي بدّي إرفع قضيّة عَ جارتنا شلبيّة عمّرت أوضة عَ السّطح يوميّة تضجّ عليّ كلّ ليلة من عشيّة بتركب فوقي سهريّة ضجّة و عجقة و خفقة و ناس بدّي إغفى ما فيّي حكيناها بالرّويّة ما كانوا يردّوا عليّ قالت روح بلّط البحر الشّغلة صارت شخصيّة قالتلو إمّي لبيّي ما تأجّر هالقويّة ارتخى قدّام الدّولار بالشّهر أربعميّة اللّه يسامحك يا بيّي بدّي إرفع قضيّة عَ مرتي المستقويّة كرّ و برّ و غيرة و نقّ و طلباتها تعجيزيّة و جّا بوجّي صبحيّة باغفى عَ نقّها عشيّة ما اتّفقنا ولا دقيقة و منتشارع يوميّة بدّا فساتين جزادين عقود دهب أصليّة و أنا معاشي تعتير الحدّ الأدنى شهريّة بشعة و نكدة و نقّيقة و فوق الدّكّة عصبيّة بيّي نقّاها عنّي أصرّ يجوّزني هيّي اللّه يسامحك يا بيّي |
Joseph Assaf - Dira Rebbeniyeh
Joseph Assaf - Dira Rebbeniyeh ديرا ربّانيّة و اتّكل عَ اللّه هالعيشة يا خيّي ما بتستاهل واللّه ديرا ربّانيّة و اتّكل عَ اللّه هالدّنيي يا خيّي ما بتستاهل واللّه ما تشغل راسك بشي هالعيشة ما بتسوى شي شو ما صار ما علي شي بيدبّرها اللّه |
El Layle El Khotbe 3al Metrass & Ana Wel Leyl W 7abibi
El Layle El Khotbe 3al Metrass & Ana Wel Leyl W 7abibi اللّيلة الخطبة عَ المتراس طقش و فقش و كاس نبيد صوت القنّينة عَ الكاس نغمة ترقّص البواريد شلنا الخوذة عن الرّاس و عبّينا الرّاس من الكاس خوذة و بارودتين و كاس خوذتين و كاس و بارودة و كاسين و خوذة و متراس و اللّيلة السّهرة عَ الجبهة ان عجبها و ان ما عجبها الجعبة و المازة و كياس الكياس و المازة و الجعبة و مازات و جعبة و كياس أنا واللّيل و حبيبي يا ريتك يا ضوّ بتسمع ما بدّي سرّب حبيبي يا ضوّ تأخّر لَ تطلع و العتمة بتنسّينا الهموم و المصايب تأخّر لتطلّ علينا و ما تفضح الحبايب اللّيلة السّهرة لَ عبكرا و فرّص بكرا يا عبكرا و بكرا الفرصة عَ حسابي خلّيني مع احبابي نغنّي مواويل و نسمع طول عمري بحرس اللّيل و انهدّ عَ السّهر حيلي ردّلّي الخدمة يا ليل دورك تحرسنا اللّيلة |
El Zaffe
El Zaffe جابوكي يا دبلة جابوكي مبروك الخطبة مبروكِ خلّي يدّك دايمًا يا عريس بإيدا لعروسك مشبوكة ليلة عرسك بحياتك أحلى فرحة بحياتك بيرزقك بكرا المحروس يزيدك سعادة و فلوس و بالقفص الدّهبيّ يا عريس تهنّى ويّا العروس ليلة عرسك بحياتك آخر فرحة بحياتك بتقضّي نهارك مفقوس تهلك لَ تؤمّن فلوس دهبيّ برونزيّ نحاسيّ فضّيّ النّتيجة بقفص محبوس |
Ma7kamet El Dal3ona
Ma7kamet El Dal3ona محكمة مين المتّهم؟ عيد و مين المحامي؟ عيد ما فهمنا شي المتّهم و المحامي ذات الشّخص شو القضيّة؟ القضيّة الهيئة قضيّة خيانة واحد كامش مرتو مع واحد تاني هوّي عم بيخون مرتو مرتو عم بتخونو صاحب مرتو عم يضهر مع وحدي تاني و التّانية مجوّزة جوزها عم بتخونو و مركّبلا جوزا قرون قدّ قرونو الأخلاق فلتانة و الحالة تعبانة صاير مجتمعنا مبنيّ عَ الخيانة و السّبب؟ ما بقى في تضحية ولا تنازل صار كلّ واحد بميلة ما بقى في حبّ ولا محبّة والسّبب عم تفرط العيلة صار الشّواذ هوّي القاعدة و القاعدة شواذ انخلط الحابل بالنّابل فرطوا العيلة تَ يفرطونا ما عاد إلنا هويّة صرنا نرقص هيب هوب عَ الدّلعونا على دلعونا على دلعونا المتّهم محامي ضيّعتونا على دلعونا على دلعونا شو صاير بالعالم ضيّعتونا على دلعونا فرطت العيلة كلّ واحد منّا صاير بميلة الإمّاية بتخونو لبيّ العيلة و بيّا للعيلة كمان بيخونا على دلعونا وين راح الوفا وين المحبّة وين راح الدّفا بقلب العيلة لَ شو هالجفا هوّي ملعون و هيّي ملعونة |
Georges Khabbaz - Kheyif Tokhlas El Deni
Georges Khabbaz - Kheyif Tokhlas El Deni [Murex D'Or 2011 | 128 kbps] خايف تخلص الدّني و نحنا بعدنا نايمين عَ تخت الطّائفيّة و منتغطّى بالدّين خايف تخلص الدّني و غرقانين ببحر الكذب منعلن ولاء الوطن و نحنا ولائنا للحزب خايف تخلص الدّني و نحنا بالإسم أحرار تقسّمنا لكتائب و عم ننجرف بالتّيّار و حبّ الوطن ما اكتمل و العمّال بلا عمل و الكتلة الواحدة كِتَل و عم نفتّش عَ أمل و التّوحيد صفّى وحدات و الآخر ما منتقبّل و القوّة صارت قوّات و عم بيضيع المستقبل خايف تخلص و الظّلم أخد حقوقنا و ما ردّها و النّاس اللّي لاحقة زعيم ما تلاقي حدا حدّها يا شعوب النّوم اشتراكِ طوّلتِ كتير النّومة يلّا قومي كفاكِ صارت بتحرز القومة خايف تخلص الدّني و ما أعرف ليلي من نهاري لا عدوّي من جاري و لا يميني و يساري خايف تخلص الدّني و يا وطني نستحي فيك ان سألوني إنتَ مين بقلّن شيعيّ أو كاتوليك سنّيّ درزيّ مارونيّ أرمنيّ أو سريانيّ بروتستانتيّ أورتودوكس علويّ أو علمانيّ بعرّف عن حالي بطائفة و بنسى قلّن لبنانيّ خايف تخلص الدّني و نحنا بعدنا مش فاهمين إنُّه الإنسان إنسان بغضّ النّظر هوّي مين ما حدا نقّى إسمُه و لا حدا نقّى مينُه و لا حدا نقّى لونُه و لا شكلُه و لا دينُه و عَ شو بعدنا مختلفين مقسّمين مشتّتين و تحت عيون الشّمتانين منتدبّح بإسم الدّين خايف تخلص الدّني و وطني زغّير تعبان من ولادُه المقسومين مع فلان و فليتان و بسمع صوتَك يا جدّي عم بيوشوشني بحنان يمكن تخلص الدّني و ما بتخلص قصّة لبنان و متل ما قلّي جدّي بهاك القصّة من زمان يمكن تخلص الدّني لكن ما بيخلص لبنان :clap: |
| All times are GMT +1. The time now is 04:30 AM. |
Powered by vBulletin® Version 3.8.3
Copyright ©2000 - 2026, Jelsoft Enterprises Ltd.
Ad Management plugin by RedTyger