Vcoderz Community - [Single - 2011] Hisham El Hajj

http://img132.imageshack.us/img132/5425/0181copy.jpg

Hisham El Hajj - W T3amar Lebnan
[Original Version | 128 kbps]

سافرتوا كان عنّا حرب

و فرّقونا شرق و غرب

خلصنا نار و قهر و ضرب

و تعمّر لبنان

عَ ليالي بيروت رجعنا

الشّمس وعيت تسهر معنا

بإسم السّلام تجمّعنا

من كلّ الأديان

و إمّات عم تبكي و تسأل

عَ اولادها اللّي غابوا

و البي خايف ما يرحل

قبل رجوع احبابُه

لا تترك بيّك زعلان

إمّك تدمع عَ الهجران

بدّك ترجع عَ لبنان

تبوّس حبّات ترابُه

مهما بأوروبا جنّيت

بأميركا عشقت و حبّيت

ما رح تقدر تنسى البيت

اللّي عم يبكي عَ غيّابُه

بتركض لَ تاخد جنسيّة

و بيروت الحلوة منسيّة

تفاخر في عندَك هويّة

من أرض جبران

كندا عنَّك عم تبعدني

اتركلي البرازيل و سيدني

وعدني من إفريقيا وعدني

ترجع عَ لبنان

عَ اللّه عَ اللّه نعود نفرح بوطننا

بتسوى الدّني نسمة هوا عنّا

مهما بغربتك تجني يا خيّي المال

إلّا بأرض الوطن ما فيك تتهنّى

سافرتوا كان عنّا حرب

و فرّقونا شرق و غرب

خلصنا نار و قهر و ضرب

و تعمّر لبنان

عَ ليالي بيروت رجعنا

الشّمس وعيت تسهر معنا

بإسم السّلام تجمّعنا

من كلّ الأديان

و إمّات عم تبكي و تسأل

عَ اولادها اللّي غابوا

و البي خايف ما يرحل

قبل رجوع احبابُه

يلّا ارجعوا

الشّمل اجمعوا

لبنان في اللّه معُه

مهما الأعادي تمرجلوا

عَ تراب أرضُه بيركعوا

من هون من عنّا الحلا

أرضنا نبع الصّلاة

ان تجمّعنا منربح وطن

ان تفرّقنا فينا بيطمعوا

ارجعوا ... ارجعوا ... ارجعوا

لا تترك بيّك زعلان

إمّك تدمع عَ الهجران

بدّك ترجع عَ لبنان

تبوّس حبّات ترابُه