أنها مؤسسة إعلامية محترمة، Lbc تدّعي ال

أول بوادر فشل وسيلي إعلاميي هيي لمّا تبلّش تبثّ الأخبار يلّي هيي بتحبّا أنو هيك تكون و مش الأخبار المظبوطا.

يعني مثلاً مبارح ال LBC جزمت أنو المسيحيي ما نزلو عالشارع، إيه بيجوز، بس دخلكن هيدول يلي تلّو الدني ORANGE من المتن الشمالي و الجنوبي و كسروان و جبيل و الشمال و المتن الأعلى هيدول شو؟؟ لازم نسأل هالفلتات تبع ال LBC بركي بيخبّرونا عن هوياتن بما إنو هنّي عندن رادار طائفي بيكمش طايفة كل إنسان مارق عالطريق !!!

ولك عيب عليكن !! وْلو استحوا !!

صرلكن 16 سني بتحكو عن شعبية ميشال عون أنو صارت بالأرض و كل استحقاق بعد استحقاق منشوف أنو شعبيتو كرمالا عم تطلع و ما في إلا أنتو عم تنزلو...

قلتو المسيحيي رح يقولو كلمتن بالانتخابات لأنو ما مشي معكن و قالو كلمتن و نبذوكن و رفضوا تكونوا نوّابن..

قلتو المسيحيي رح يقولو كلمتن ب15 ت1 2006 و ما رح ينزلو من بعد ما التيار تفاهم مع حزب الله و رغم الطوفان و المي و السيول بوقتا المسيحيي قالو كلمتن و تلّو الدني من بيروت لجبيل..

قلتو المسيحيي رح يقولو كلمتن بمظاهرة المعارضة و ما رح ينزلو بس نزلو المسيحيي رغم دوام العمل و رغم التهديد و رغم الاعتداءات منكن و رغم الرعب يلّي خلقتو نزلو المسيحيي و تلّو الدني ORANGE و ما كانو بحاجي لقرار من مجلس الوزرا يسكّرو في البلد متل ما عملتو ب14 شباط 2006

شو بعد رح تدّعو و تكذّبو المرّا الجايي، بعد في عندكن طريقا وحدي: روحو عالانتخابات عابكّير تيقولو المسيحيي كلمتن متل ما عم بتروّجو، بركي بتاخدو ساعتا أكتريي ساحقا بالمجلس و بترتاحو، بس إنتو عارفين أنو هالمرّا حتى ال6 نواب تبعول أمن المجتمع المسيحي، هالعبارا يلّي بعدكن بتحكو فيا بمجالسكن الخاصا، يلّي طلعو بأصوات المسلمين، ما رح تشوفو غير 1 يمكن منن ببشري، و هيك بركي ساعتا بتعرفو حقيقية حجمكن المظبوط مش متل ما حَشَرْتو العالم بين الشجر بحريصا تيبيّنو كتار و هنّي أنجأ ما بيعبّو شارع بالساحات المفتوحا.

فوق كلّ هيدا، بتجيك "جريدة المستقبل" و بتحطّ صورة للمظاهرة من قبل شي 5 ساعات من ما تبلّش..ما بيستحو عاحالن يا عمّي..حركات ولاّديي..كل الفضائيات العربيي فرجت الحقيقة و هنّي يلّي بيدّعو بدّن الحقيقية عم بيكذّبو، بس عاحالن، مش عالناس، لأنو كل الناس شافت و عرفت..و بيعتبرو حالن محترفين بعملن..طبعًا! يا هيك يكون الاحتراف يا بلا..