|
نكتة جديدة
نكتة جديدة (بس مش كل النّكت بتضحّك) (جان عيد) كان في شب عايش بلبنان قالولوا سهار وعيش حياتك وعليك الأمان بس الحرب خرّبت كل المطارح وصار الهم شي جامع شي طارح ورجع بعدها يلملم جراحو وبكي على إيّام وناس بيحبهن وراحوا بس قام يسهر ويروح ويجي ويعيش ويفرش دروبو ورد وفل ونتفة ريش تعرّف على بنت حلوة منمنمة محمّرة مبودرة وأضافرها مقلّمة قال حبها وحبّتو سألها وسألتو عن الماضي الأليم الما بينتسى عن إيّام الخير وإيّام الأسى وكان الجواب واحد أليم وعن الإيّام الجايي ألله عليم حطّوا أملهم بالرّبّ وتجوّزوا ومستقبلهم المجهول راحوا يعزّزوا وجابوا طفل شافوا حالن في وما كانت الإمّ همومو مسلّفي وشغل البي ماشي عالتّمام وصاروا يحضرولو الكتب والقلام ورجعتلهن الحرب من جديد وما فضل بالبلد لا بَطون ولا حديد ورجعت العيلة تزكرت مصايبها القديمة ورفضت يعيش ابنها الإيّام الزميمة فكّرت تهاجر وتترك هالبلاد الفيها خراب وتشريد ما بيرحموا الولاد بتغيب الحرب كم سنة وبترجع بالإجرام والحقد أسوأ وأفظع وين مستقبلنا يا جماعة؟ صرخت العيلة بعين دمّاعة لبنان وين لبنان؟ وين الإنسان؟ وين الّي كان؟ يشع على البلدان حب وعطاء بكل الأزمان ولهلّق هالعيلة ناطرة بلهفة كبيرة تهاجر على طريق صعبة وعسيرة بس تحسّ إنو البشر بيميزوهن هونيك عن الحجر! |
code barre
1 Attachment(s)
|
Re: نكتة جديدة
Nice one bro, btw its the real lebanese life ~~!!~~
;) :) :( ;) :) ;) :) :( ;) :) ;) :( ;) :) ;) :) :( :) ;) :) |
Re: نكتة جديدة
Nice one Baden
So realistic Based on real events Hope Lebanon will come a country one day |
Re: نكتة جديدة
Bro, It's amazin, too bad it'z based on a real Lebanese life, may Lord Helps every1 :)
God Bless u all |
Re: نكتة جديدة
الله يحفظك يا لبنان الكرامة والشّعب العنيد |
| All times are GMT +1. The time now is 05:31 PM. |
Powered by vBulletin® Version 3.8.3
Copyright ©2000 - 2025, Jelsoft Enterprises Ltd.
Ad Management plugin by RedTyger