Vcoderz Community - قبابيط وصيصان لازمن زربي بالقن

هودي الوظاويظ العاملين حملي على الجنرال لا بيستحو ولا عندون ريحة الصدق.
وكمان ما في بـ بيوتون مرايات. قرطت ولاد بعقولن والممارسات.
فهمهم للسياسة والشؤون الوطنية شي تعتير وجرسا.
حالون والإضطراب ما بيسر صديق، ولا بيفرع عدو.
ارتباك، خوف، توتر، عصبية، استفراغ كلام، شتائم، افتراءات واتهامات.
وفوق هودي كلون عندون لسانات طويلة سليطة موظفينها عند الزلمي ما غيرو.
الزلمي يلي نزل علينا بالبراشوط ومفكر يحكم لبنان ويهشيل أهله.
أكيد عرفتوه وعرفتم ربعه والقبائل. نعم هني هني جماعة الدولارات الريالات.
وكمان جماعة الرادات والغسالات.
وما أدراكم ما هي اغراءات الريالات الجميلات المكدسات روزماً روزماً.
مش معقول حالون.
هوس بالعماد عون. الرجل خاوتن ومطير النوم من عيونهم.
بسبب وبدون سبب حاملين طليب العماد ومحملينو كل عقدون وخيباتن وفشلون وخوف الناس منون.
هودي بـ سركم أبالسة سياسة، أنجاس قيم وأخساس وطنية.
يا عمي، شو ذنب العماد، إذا الناس بيكرهون، ما بيحبو يشوفو وجون، ولا يسمعو صوتون، ولا بيقدو يتصورون ؟
شو خص العماد إذا هني أسلال، وحربايات ولصوص هياكل محترفين.
وفوق الدكي والشرطوطا جماعة ما عندون لا ضمير ولا حياء.
ضميرون مخدر، ذممهم واسعا وسع المحيطات وغريضا عرض الربع الخالي.
يلا، متل ما قلنا قرطت ولاد وراح يضلوا ولاد.
أما أنت يا عماد فشو جاب تا جاب، وين هني ووين أنت.
هودي صيصان لازمون زربي بالقن.
روح الله يطول بعمرك يا عماد.
الله يخليك حامي للوطن وسند لهويته وفخر لأرزاته
ورمز متل صنينو وجبرانو وهنيبعل.
نعم الشعب هني رذلون وقلون فلو.
دخلكون ليش بعد ما فلو وملبصين؟
على فوقا، من هون اجت عقدون، ومن هون إجا حقدون والخساسي.
وتا يفكوا عقدهم كلها، عملوا حملة فل على لحود.
بالواقع هني كلون فالين بعقولن والكرامات.
عشت يا جنرال يا عملاق، وهم خسئوا من الآن وحتى يفلو، وعنا يحلو.
يا جماعة أخوت يحكي وعاقل يسمع: معقولي قبوط يناطح عملاق!!
ودمتم.