ولي وينك يا مقصوفي؟
ولي وينك يا مقصوفي؟
تعي شوفي حالي شوفي
بدّي إبعتلك مكتوب
بس ما في عندي ظروفي
عم فكّر إبعت مكتوب
بركي بيحنّن القلوب
عن عاشق بهلة و مجدوب
بيتو بطلعة السّيوفي
عم فكّر إبعتلك فاكس
و قلّك رايح معي ال "آكس"
و إنّو محسوبك عَ العكس
بعدو وعدو عم يوفي
عم فكّر إبعت "إي-ميل"
تَ قلّك : حالي بالويل
قاعد بوّي كلّ اللّيل
و راسي متل الملفوفة
وينك وينك يا دجاجة
استعملتيني للحاجة
متا الموجة المهتاجة
محيتي عَ الرّمل حروفي
وينك وينك يا بقرة
تركتيني ب وقت الحشرة
زرعتي ب قلبي الحسرة
و صرتي ب نظري خروفي