[El-Meghwar]

Originally Posted by moqawem

مين قال هالحكي !!
ما السوري والاردني والامريكي والاوروبي والسعودي والايراني
العربي والفارسي والآري والكردي وآذري والبلوشي والهزاردي ....
كلهم بشر وانسان ،
انا بفضّل اي شخص غير لبنان منيح على 3 مليون لبناني مش مناح !!

إنسانياً، كلامك صح... ممكن نلاقي أميركي مثقّف ومعارض لسياسات أميركا، واسرائيلي معارض لسياسات إسرائيل، أو لبناني مثلاً موالي لإسرائيل... بس ما بتكون هون عم تناقض نفسك لمّا اعتبرت من فترة أن كل إسرائيلي هو عدوّ؟؟

وطنياً، ما عم إحكي سياسياً، لأن اللبناني العميل الإسرائيلي مثلاً مطرحو السجن ولن أفضّله على أميركي مثقّف وموالي لقضايا الحقّ، بس أنا كنت عم إحكي من منطلق عام على أنّو إبن بلدك أكيد إلو أفضلية عالأجنبي، ممكن السفر يبرهنلك هالشي، لأنك بتلاقي نفسك عم تبحث على أصدقاء لبنانيين بغضّ النظر عن انتمائهم الطائفي أو السياسي وليس العكس

أنا كنت عم إحكي من منطلق عام، هلّق أكيد كل عميل وأزعر لبناني مش رح نفضّلو على أجنبي حقّاوي، وأنا كنت عم اعترض على طريقة التفكير والتصنيف الطائفي المريض الذي تنتهجه القوّات الجعجعية... فشعاراتهم هي أيضاً إهانة للبنانيين الآخرين.. متل اللي عم يربّحهم جميلة إنّو بيفضلوهم على السوري، هذا الذي اعترضت عليه

واقتضى التوضيح