Quote:
عِمْرَكْ مِتِلْ إِسْمَكْ
(لَـ الْعماد ميشال عون بْعيدْ ميلادو الْـ75)
الِجْبين أَرْزي
دَهَّبا مِلْح الْعَرَقْ،
وِالْكِتْف مَلْعَبْ
صَوْلَجان وْسَيْفْ،
وِالصَّوْت زِوّادِةْ نِدي
لَنْهار عَمْ يِخْلَقْ
ومَوْعود بْفَرَحْ.
وِالْقَلْب ديوان نْفَتَحْ
بيضَيّفَكْ مِنْ بَسْمتو
مَرّا شَمِسْ،
مَرّا بَحِرْ،
مَرّا سَما،
بيضَيّفَكْ مَرّا زَهِرْ
مَرّا فواكِةْ صَيْفْ.
وْقامتَكْ سَبْلي
الْجَبَلْ وِالسَّهْل شو تْمَرّو فِيَا،
وْبَعْدو التّراب بْيِعْشَقا
وْبيسَمِّع لْـ إِمّو الأَرِضْ
كِلْ يَوْم عَنْ غايِبْ
قَصايِدْ إيدَيا،
وِالأَرْض فِرْحاني بِموسيقى جْرَيا.
وْباقي الْعِمِرْ...
عِمْر اللي مِنّو بَعْد باقي عْياد
وِالْعِمْر الْمَرَقْ...
عِمْرَكْ لا هُوّي سْنين،
لا هُوّي زَمَنْ
عِمْرَكْ مِتِلْ سَيْفَكْ،
مِتِل هَـ السِّنْبلي،
مِتْل الْجبين، الْكِتْف،
مِتْل الصَّوْت وِغْلال الْقَلِبْ...
عِمْرَكْ مِتِلْ إِسْمَكْ وَطَنْ.
حبيب يونس
|
حبيب قلبي يا جنرال، عقبال الـ 10000000000000000
__________________
“How fortunate for governments that the people they administer don't think” ~ Adolf Hitler
Last edited by The Orange Cat; 02-18-2010 at 12:09 PM.
|