Vcoderz Community - View Single Post

**Rabi3** · 02-02-2011

Marwan Khoury Feat. Carole Samaha - Ya Rab

إنتِ

بعدِك حلوة و صرتِ أحلى

شو هالصّدفة ما في أحلى

و قلبي يشوفِك ياما استحلى

قوليلي كيفِك إنتِ

إنتَ

بعدَك إنتَ و ما بتتغيّر

محّيرلي قلبي و محيّر

و بعدُه قلبَك طفل زغيّر

طمّنّي كيفَك إنتَ

مشّي نتذكّر عَ دروب

و يمرجحنا الغرام

ليش بعدنا و كيف قدرنا

ننسى هاك الأحلام

يا ليل اللّي بعدُه ناطرنا

عَ مفارق هالإيّام

يا ربّ تدوم إيّامنا سوا

و يبقى عَ طول جامعنا الهوى

يا ربّ نعيد هالحبّ اللّي كان

و أحلى بكتير من الماضي كمان

بحبِّك

بحبّ عيونِك لمّا بتحكي

كيف بترسم هاك الضّحكة

خلّي راسِك فوقي يتكي

بملُك هالدّنيي كلّها

بحبَّك

مبارح إنتَ اليوم و بكرا

اشتقتلَّك ما عندَك فكرة

و صعبة بعمري تصبّح ذكرى

يلّي من الدّنيي أغلى