Vcoderz Community - View Single Post - [Collection] Traditional Lebanese Songs

Thread: [Collection] Traditional Lebanese Songs

View Single Post

02-15-2011
Rabi3 Community Moderator Last Online: 06-26-2014 Join Date: Apr 2008 Posts: 5,388 Thanks: 1,475 Thanked 4,960 Times in 2,942 Posts Groans: 0 Groaned at 6 Times in 6 Posts	Samir Yazbek - Sha77ad Samir Yazbek - Sha77ad [Original Version \| 64 kbps] يا مين عَ شحّاد يهديني منشان سرّ الكار يعطيني لا مال بدّي و لا برزق طمعان لا مقصدي ضيعة و لا مدينة بدّي عصا من قرنة العميان إتعكّز عليها بتكفيني و إتدروش و أبرم على الجيران و عَ كلّ عتبة ينحني جبيني شحّاد بشحد عاطفة و حنان للّي ابتعد عنّي و ناسيني و بتنهنه بغصّة طفل عطشان قلبي احترق يا ميمتي اسقيني شحّاد بشحد كحلة الغزلان لَ عيونِك اللّي فيهُن قتلتيني و بشحدلِك الغفوة من النّعسات حتّى تنامي يا تقبريني و بقصد على الأرزة مهد جبران بقلّه عَ سلمى دخلَك اهديني تَ شوف شو قلت لهالاسطان و من روح أذكى روح غذّيني و ببكي على مجنون ليلى اللّي كان مظلوم و اللّي كاويني ببحر الهوى قلبُه مشي قبطان قبطان لكن من عدا سفينة برجع و بستنّى شهر نيسان و بقول بكرا الخير جاييني بشحدلِك من الورد و الرّيحان و وين ما دعستِ تقشعي زينة و بشحدلِك من الإنجيل و القرآن حجابات فيها دينِك و ديني بركي بتجي و بتطردي الشّيطان و اللّي حضى يعقوب يحضيني قبلي و بعدي ما انظلم إنسان عَ قدّ ما بحبِّك ظلمتيني لو كان قلبِك من صخر صوّان حلُّه يلين الصّخر و تليني راضي لا واللّه مش زعلان و إعدام بقبل لو حكمتيني عَ شرط إنتِ تفصّلي الأكفان و إبقي عَ قبري بالسّنة مرّة حسنة لَ وجه اللّه زوريني

The Following 2 Users Say Thank You to Rabi3 For This Useful Post:

kingsoflebanon (02-28-2011), samboudy (02-17-2011)