Assi Hellani - Dal3ona 1
[Live - El Leyl El Maftou7
| 128 kbps
]
يا ميجانا و يا ميجانا و يا ميجانا
يسعد مساكم يا أعزّ احبابنا
جايب أنين الشّوق تَ قسّم نوا
ما دام قلبي اليوم عَ السّهرة نوى
مع كلّ هبّة عاصفة و موجة نوى
أنا بحرت بعيون كهربني بَحرها
و نقلني عَ دني جديدة بَحرها
قوافي وزنت عَ الوافر بَحرها
شفاف اللّي ما تفلفلني بِحرّها
سبع قبلات عَ الدّاير بَحرها
تَ حتّى تشلفط بنار اللّهيب
لا تشدّوا حبال الهوى بترمونا
يلّي سافرتِ عَ فرنسا مدّة
رجعتِ لَ عنّا ما عدتِ تهدّي
صرنا نتلفنلِك ما كنتِ تردّي
و حطّيتِ موظّف عَ التّلفونَ
لا تشدّوا حبال الهوى بترمونا
يلّي حبّيتِ من الشّباب ميّة
عشرة من النّبع يجيبولِك ميّ
عشرة من السّوق يجيبوا الفواكة
عشرة بالحيّ يسوّوا دوريّة
عشرة يتحدّوا لَ اللّي يتحدّاكِ
عشرة للبو شي بيرعى بحماكِ
عشرة لَ جنينة ورد الزّهيّة
عشرة لَ صنع الكحل لَ عيونها
لا تشدّوا حبال الهوى بترمونا
عَ طلوع العملة عدمتينا العافية
بدِّك ترويقة كلّ يوم كنافة
و نحنا عم ناكل خبز و زيتونَ
لا تشدّوا حبال الهوى بترمونا
كرمال احبابُه عاصي الحلّاني
للصّبح بيبقى يغنّي دلعونا
لا تشدّوا حبال الهوى بترمونا