Rabih El Asmar - Ya Emy
[Original Version
| 128 kbps
]
يا إمّي شايف عيونِك حزينة
شو اللّي مزعّلِك يا تقبريني
يا ريت النّاس بتبيع السّعادة
تَ جبلِك كلّ فرحة و كلّ زينة
اللّي كنتِ فوق منها تحمليني
صباكِ يلبس اللّون الرّمادي
و قلبِك متل زهر الياسمينِ
يا إبني أرضَك اعبدها عبادة
الدّهب شو قيمتُو لو ما الخزينة
يا إمّي بعرفِك عندِك جلادِة
و صدر فيه الرّضا و الطّمأنينة
مين اللّي عوكَرِك يا بحر هادي
طفى الشّمعة اللّي ضوّت عَ مدينة
مسحت جمرة الدّمعة السّخينة
القدس يا ابني القدس إمّي السّجينة
يا إبني جارت عليها الأعادي
و تاهت عن مراسيها السّفينة
يا إبني القدس أغلى من اولادي
و إنتوا و القدس من فرد طينة
أنا إبنِك متل ما بتعرفيني
أنا مقاوم فدائيّ بتوجديني
يا إمّي مين أغلى من بلادي
بعد اللّه الأرض و العرض ديني
ما بدّي تلبسي توب الحدادِ
دخيلِك أوعى تبكي بتحرقيني
أنا رفاقي بيحملوني عَ الأيادي
لبنانيّ و عراقيّ و فلسطينيّ
و حتّى تريّحيني و نام هادي
بقبري تخيّم عليّ السّكينة
تحت راسي اوضعي المصحف وسادة
و عَ صدري صورة المسجد الأقصى
و أمانة يضلّ رشّاشي بيميني