يا ميجانا و يا ميجانا و يا ميجانا
يا بحر هدّي الموج فيك احبابنا
على هدّار دروب الحبّ مالُه
وضع قلبي بوفاكم كلّ مالُه
يا دلّي اللّي وطن و ديار ما الُه
شريد ان كان بيتُه من دهب
يا بحر هدّي الموج فيك احبابنا
تعا يا بدر صوّرني تقاسيم
تَ أعطي من لحن صوتي تقاسيم
اللّي بدّو بلادنا يقسّم تقاسيم
بدّو قطع يدُّه من الوتاب
ويلي ويل حالي ويلي دلعونا
لا تشدّوا حبال الهوى بترمونا
يلّي من راس الجبل طلّيتِ
اخدتيلي عقلي اللّي ساكن براسي
اخدتيلي عقلي شي ما خلّيتِ
سرقتيلي قلبي و جملة إحساسي
يلّي من راس النّبع ملّيتِ
عطشان اسقيني ليش قلبِك قاسي
لولا بالحفلة بصوتِك غنّيتِ
تلتين الشّعب بيتقبل كراسي
لولا بكنيسة و جامع صلّيتِ
بتصلّي خلفِك أهل القداسة
إذا عَ السّما عيونِك ودّيتِ
النّجوم اللّي بالسّما بيتكهربونَ
ويلي ويل حالي ويلي دلعونا
لا تشدّوا حبال الهوى بترمونا
قدّيش قلتيلي غيرَك ما حدا
عاصي و يا أبو عيون المسودِّة
حبَّك بقلبي عَ طول المدى
و غيرَك يا روحي واللّه ما بدّي
وحدَك يا قاهر لَ جيش العدا
بخيول الزّرقة و السّيوف الحدّة
عَ مسرح قلبي تنقّل عَ الهدى
ببقل عَ رمشي عصفور تهدّي
قالتلي تفضّل مرّة عَ الغدا
أنا قلتلّها صايم شكرًا ما بدّي
حبّي بقلبها من اليوم ابتدى
و ما بدّي أكل و مي و ليمونَ
ويلي ويل حالي ويلي دلعونا
لا تشدّوا حبال الهوى بترمونا
يلّي حبّيتِ من الشّباب ميّة
لو مشيتِ جيش بيمشي وراكِ
عشرة من النّبع يجيبولِك ميّ
عشرة من السّوق يجيبوا الفواكة
عشرة بيكونوا إلِك قربيّة
عشرة بالقصر بيبقوا معاكِ
عشرة بالحيّ يسوّوا دوريّة
عشرة يتحدّوا لَ اللّي يتحدّاكِ
عشرة للحطب من البرّيّة
عشرة للبو شي بيرعى بحماكِ
عشرة لَ جنينة ورد الزّهيّة
عشرة لَ صنع الكحل لَ عيونها
ويلي ويل حالي ويلي دلعونا
لا تشدّوا حبال الهوى بترمونا