راحت رنا عَ الكرم و لحقتها أنا
عَ وعد عنقودين من نبع الهنا
نزلت بعزّ الشّوب و اللّولو اغتنى
عَ خصر رغم الشّوب برجه ما انحنى
قال يا وهلتي عند ما صارت رنا
تفكفك زرار بلوزها بجهد و عناء
من بعد تالت زرّ
من بعد رابع زرّ
من زرار القميص
نشّف عرقها و بلّشت إعرق أنا
فجأة وصلتِ متل جنّيّة خيال
تمرّد على شفافي الحكي و ضاع السّؤال
ولك خفت عينيّ عليّ يكذبوا
شدّيت عَ إيدِك متل شدّ الحبال
شرايين كفّي من عطورك يشربوا
و لمّا يميني صافحت عرش الجمال
أنا رح ضلّ عَ سنتين كفّي معذّب
و سلّم على الأصحاب بإيد الشّمال