قصة مقاوم

[Kain]

مقاوم حب بالصدفه صبيه
لكن ما عرف انها ثريه

حبو بعضهم والحب اكبر من قشور الحيات الدنيّويه
اخد عنوانها والعقل دفتر قصدها بعد مدة من عشيّه

طلع مطلع درجها رخام مرمر وكل مترين سبع ومزهريه
طرق ع بابها الباب المسكر فتحت بنت زنجيّة فتيه

وطلت لابسي فستان اخضر الصبيه الي وعدها بصدق نيه
وعلى شدة فرحها الخد جمّر كأنو طاب جوري بصحن مية

سلام وابتسامة القلب فرفر ارتاح تفضل بهمسة طرية
وعينو استنفرت ع كل منظر بدهشه ببيوت المملكيه

ومنو استأذنت والعقل قرر لتحكي بيّها بسر القضيه
ابوها طل بالشكل المجبر السيجار بإيد وبإيد الطقية

وكلمة مرحبا بالكاد تظهر ع هالشفة الغليظة السلطوية
سال شو شغلتك يا شاب اسمر قبل ما تطلب بنت العلية

انتفض دم الرجوله بشاب مقهر وقلوا بعزة النفس القويه
انا مقاوم جنوبي يا مجبّر وشرف شعبي ببوز البندقيه

قلو بعتذر ما عاد تحضر ما بظلم بنت عيشتها هنيه
وما بتركها رهينة لغم دمر وقذائف زوجها دم وشظية

ولعب اطفالها خرطوش اصفر ورسالة زوجها دم وجزيه
جفن لفزع الأعداء غرغر وطلع مثل اليتيمة المستحيه

ومسح عا شعرها بكفو المغبر وما فهمت تمتماتو كيف هيي
وبعد اسبوع هالشاب المحرر تفجر على طريق القعقعيه

رفع راس العروبي وهز خيبر قتل عشره وجرح بالرتل ميه
وبقي شقفة من الزند المنثر انكتب على طيتو جمله ابيه

انا بدم الحسن وحسين بفطر على ارواح الغزات الأجنبيه
ولغم ثاني انفجر بالقلب اكثر بعد ما عرفت البنت الوفيه

تركت قصرها المفروش جوهر وغارت على الخطوط الأوليه
تصرخ يا جنوب العز افخر بناتك مثل ابطالك سخيه

مبارح رحت حد القبر اسهر حبيبي كان اما اليوم خيي
وحلفتلوا يمين بدم حيدر قبل اسبوعك القادم عليي

شهيده بروح على الحي المعمّر لعلوا بيستحي من الدم بيي
وصرخت يا حسن الله اكبر شمس الله النصر والموت فيي

وبشرفني مثل هادي الموقر حملنا دم ما حملنا خطيه
ولفة خصرها الحلو المزنّر بزنار الشباب الأشبهيه

وشهيده راحت بأول المعبر بعد ما كتبت الورقه بيديها
الشهاده تاج البنت المسلميه

--------------------------------------------------------------------------

قصيدة قصّة مقاوم للشاعر طليع حمدان