|
|
|
|||||||
| View Poll Results: Which song(s) did you like the most? | |||
| Ataf 3an2oud El 3enab |
   
|
0 | 0% |
| El Nizam El Jadid |
  
|
1 | 33.33% |
| Guevara |
  
|
2 | 66.67% |
| Hayda Lebnan |
  
|
3 | 100.00% |
| Lezim Ghayir El Nizam |
  
|
2 | 66.67% |
| Men Kell El Matare7 |
  
|
1 | 33.33% |
| Ra2asni W 7eki |
|
0 | 0% |
| Raje3 Ana Raje3 |
|
1 | 33.33% |
| Ya Sayid El Zaman |
|
1 | 33.33% |
| Multiple Choice Poll. Voters: 3. You may not vote on this poll | |||
 |
|
|
Share | Thread Tools | Search this Thread |
12-11-2011
|
#1 |
|
Community Moderator
Last Online: 06-26-2014
Join Date: Apr 2008
Posts: 5,388
Thanks: 1,475
Thanked 4,960 Times in 2,942 Posts
Groans: 0
Groaned at 6 Times in 6 Posts
|
[Album - 1997] Oussama Rahbani - El Nizam El Jadid [New Order]
"El Nizam El Jadid - New Order" by Oussama Rahbani is one of the best albums, with nice lyrics & music. I hope you will like it.    Guevara Hayda LebnanRa2asni W 7eki Raje3 Ana Raje3 El Nizam El Jadid Ya Sayid El Zaman Men Kell El Matare7 Lezim Ghayir El Nizam Ataf 3an2oud El 3enab El Nizam El Jadid [Instrumental] Lezim Ghayir El Nizam [Instrumental] غيفارا هيدا لبنان النّظام الجديد يا سيّد الزّمان راجع أنا راجع رقصني و حكي من كلّ المطارح لازم غيّر النّظام قطف عنقود العنب النّظام الجديد - موسيقى لازم غيّر النّظام - موسيقى  Size : 54.6 MB Bit Rate : 128 kbps Number Of Tracks : 11  ~-~-~-~-~-~-~-~-~-~ Lyrics ~-~-~-~-~-~-~-~-~-~ Video Clips ~-~-~-~-~-~-~-~-~-~ Last edited by Rabi3; 12-11-2011 at 09:41 PM. |
|
|
| The Following User Says Thank You to Rabi3 For This Useful Post: | fafooooo (12-12-2011) |
|
12-11-2011
|
#2 |
|
Community Moderator
Last Online: 06-26-2014
Join Date: Apr 2008
Posts: 5,388
Thanks: 1,475
Thanked 4,960 Times in 2,942 Posts
Groans: 0
Groaned at 6 Times in 6 Posts
|
Lyrics
Lezim Ghayir El Nizam لازم غيّر النّظام الآخرون هم الجحيم يوميّة ذات الوجوه، ذات الإشيا بتوعى، بتحلق، بتتحمّم بتتحمّم من كذب المجتمع اللّي معلّق عليك ضجيج، غبرة، عجقة سيّارات ذات الأخبار، معارضة ... موالاة بتموت وبتعيش ميّة مرّة وما حدا مهتمّلّك كلّ إنسان عايش بجحيمُه كلّ إنسان عم بيدور بمأساتُه مفتكر معُه الحقّ الغلط عم بيزيد ... عم بيزيد وإنتَ ... حامل السّلّم بالعرض برج العقرب صار بمدار التّنك عم بيدور الكون بعكس الفلك ورجال الحديد ألّهوا الملك عايش بالرّوتين بشقّة زغيرة عصفور وسجين بناية كبيرة وعم بتدور الأرض بدوّامة كبيرة من بعيد الإشيا بتشوفها أجمل الأنظمة والنّاس والحبّ الأوّل لمّا بتصير قريب كلّ شي بيتبدّل مكتوبة الرّشوة بفنجان القهوة لقطتها من المجهول قصيدة حلوة والمدير إنسان والمال بيغوي أنا مش قادر غيّر وضعي ما عندي قوّة تغيير عم بتهدّم وحدي وساكت صار في حقد وذلّ كتير فوضى، جنون، وليش أنا وحدي بدّي إمشي عَ النّظام يمكن حتّى غيّر وضعي لازم غيّر النّظام يمكن الخلل نابع من شعبي كلّ شي بيتزبّط ولا شغلة صعبة ناخب ونايب بتدور اللّعبة سياسة المال شو فيك تقلّها خلايق، ملل، طوايف اللّه هدّموا الأديان، هاجروا اللّه يا ريت بتتغيّر مرّة هالدّورة الكونيّة ولعبة الأنظمة الحرّة ترجع إنسانيّة بروتين النّظام بيقتل إن كان سجن ومحبوس بالسّجن بتنتحر مرّة ... انتحر بالحرّيّة أنا شعبي حامل همومُه ونازل صوب الإنكسار مهما تصرّخ ما بيقوموا الصّرخة بقوّة إنفجار ليش الأنظمة بتقرّر شغلَك، نومَك وموتَك قرّر نظامَك لحالَك وعّي فيك الإختيار هالعالم لَ وين رايح؟ ولك اصبروا عَ بعضكُن الكلّ مستعجل كلّ واحد بدّو حالُه ما حدا بيشعر مع التّاني ما بقى في مروّة ضغط، بشاعة، فلتان ما عاد في روابط وقيم انكسرت الصّداقة كلّ شي صار محلّل الإستغلال، الغشّ بس بتغتني بسرعة مع هيدا وكلُّه الفقر رح ياكل النّاس البلد صار أغنياء وفقراء يا صبي قدّيش بدَّك تعانِد؟ وصلت عَ نقطة اللّاعودة يا بتنتحر، يا بتهاجر، يا بتفوت باللّعبة فتّش عَ خلاصك ~-~-~-~-~-~-~-~-~-~ Hayda Lebnan هيدا لبنان علّيّة فوق علّيّة تلج و صفصاف و ميْ و عيشة حلوة هنيّة سهل و بحر و وديان هيدا لبنان ... هيدا اللّي كان إسمُه لبنان سيّارة فوق سيّارة غبرة و عجقة و كسّارة و دنيي قطعوا أشجارها لا زهر و لا بستان هيدا لبنان ... هيدا اللّي صار إسمُه لبنان لا أنا مع الدّولة ولا أنا ضدّ الدّولة لا أنا مع الشّعب ولا أنا ضدّ الشّعب بحكي عَ كلّ النّاس و النّاس بتحكي عليّ فكر و شعر و حضارة، هوّارة و كبّة نيّة دبش عمار و كافيار، اللّه يديم الحرّيّة أنا أصلًا بيتي مخالف وعمّرتُه بأرض الدّولة و ما دام كلّ شي بيتدبّر والقصّة هيّ هيّ اللّه يطوّل عمرُه بيزبطّلي القضيّة هيدا لبنان ... هيدا لبنان ... هيدا لبنان هيدا ... هيدا ... هيدا ... هيدا لبنان راجع راجع يتعمّر راجع لبنان عنّا آثار كتيرة لوحات جيوش احتلّت ذكرى فاتح محتلّ إجا دعوسنا و فلّ حدا يقلّي وينُه الماضي اللّي هوّي نحنا نحنا جبال التّاريخ و نحنا لولا تنحنحنا بإيدينا كمشنا الغيم و قرن الشّمس نطحنا أنا مخجول يا تاريخي ما فيك ولا ضربة كفّ قضّيناها مراجل بالآخر تشرشحنا زحفنا و انبطحنا اللّه يسامحنا هيدا لبنان ... هيدا لبنان ... هيدا لبنان هيدا ... هيدا ... هيدا ... هيدا لبنان اشتقنا ... ما اشتقتوا؟ رحنا و جينا كتبنا الحضارة فتول الشّوارب دقّي الجرن، صبّي الكاس، اجبلي التّبولة عيطي للزّلم رقص وطقش وفقش مناقيش جدودنا هو هو في ناس من كتر ما حبّوا وطنن قضيوا عليه راجع راجع يتعمّر راجع لبنان هيدا لبنان ... هيدا لبنان ... هيدا لبنان هيدا ... هيدا ... هيدا ... هيدا لبنان سيّداتي سادتي هذا هو لبنان حرنكس برنكس طالع ينكز خبّرتني معلّمتي بالشّرق كان في جنّة جنّة سمّوها لبنان فجأة بساع السّمّاعة هاجرتها البشاعة البشاعة صارت باطون و الباطون أكل الأخضر و الأخضر صبّح صورة و الصّورة صارت تذكار و اذكروا الوطن يا زغار Au Revoir تعوا نقلُّه كان في وطن غطّ و طار ~-~-~-~-~-~-~-~-~-~ Guevara غيفارا يبقوا ثوّار و قاماتُن تتغاوى من بعيد رسموا صور حبيباتُن عَ خشب البواريد خلصت إيّام الثّورات و اللّي كانوا ثايرين شي منهم صاروا حكّام شي محكومين قلّوا لَ خيالك يروح صار لازم يرتاح خيّالة ربطت الخيل ما عاد عندها سلاح شي منهم صاروا حكّام شي محكومين كلّ ما بتطلّع عَ جبال بتذكّر غيفارا بِ كلّ سنديانة بشوف وجُّه لَ غيفارا زرعوه بِ بوليفيا بِ احراش النّسيان زهّر بِ كلّ الدّني و بقلب الإنسان يا نجم الثّورة غيفارا كلّن قلّدوك الشّباب متل تيابَك لبسوا الصّبايا حبّوك لكن ما حدا هجّ و ضاع متلك بالمجهول ما حدا تمرّد ما حدا قال ثورة على طول بلدي صار لازمها اليوم شي غيفارا يموت عن الجوع القهر الفقر تَ ترجع بيروت ما حدا تمرّد ما حدا قال ثورة على طول كلّ ما بتطلّع عَ جبال بتذكّر غيفارا بِ كلّ سنديانة بشوف وجُّه لَ غيفارا زرعوه بِ بوليفيا بِ احراش النّسيان زهّر بِ كلّ الدّني و بقلب الإنسان ~-~-~-~-~-~-~-~-~-~ El Nizam El Jadid النّظام الجديد قالوا رح يجتمعوا بكرا و جايي النّظام الجديد لا مجاعة و لا حروب و شبح الموت يصير بعيد يا شعوب الأرض افرحي بالحرّيّة تمرجحي صار الكون رعيّة واحدة للرّاعي الوحيد صدّقنا و صدّقوا النّاس و فرحت البلدان و الدّول الضّعيفة قالت : إجا عهد الأمان ما تاري الحرّيّة حرّيّة الكبير المصير و الكرامة بإيد الكبير بعدو السّمك بياكل بعضُه يا ويلك يا زغير يا سلام سلّم عَ الحرّيّة و خلّصنا يا كبير استبشرنا بالرّاعي عملنا قطعان هوّي الرّاعي و هوّي الدّيب و السّجن و السّجّان يا رسّامين ارسموا هالعصر المنهار يا شعراء ترحّموا عَ دهب الأشعار جايي الوقت جايي عم بيجرّ سنين بالغضب مشحونة باصوات المحرومين يا سيّد العالم بكرا رح يوعى المسكين و يطلع من الشّعب الخضر و يقتل التّنّين قبلك روما كانت هون ندهتها الآثار طافوا عليها نهر النّاس و جرفها التّيّار قالوا رح يجتمعوا بكرا و جايي النّظام الجديد لا مجاعة و لا حروب و شبح الموت يصير بعيد يا شعوب الأرض افرحي بالحرّيّة تمرجحي صار الكون رعيّة واحدة للرّاعي الوحيد ~-~-~-~-~-~-~-~-~-~ Ya Sayid El Zaman يا سيّد الزّمان يا يسوع المسيح من وعد السّماء للأرض من إنتظار النّاس للخلاص من أجل الفقراء من أجل البسطاء من أجل العدالة جيت يا سيّد الثّوّار لا خيل و لا عسكر بفقرك اللّامع جيت هدّمت العروش غيّرت العالم بموتَك و قيامتَك خلّصت الإنسان من الغربة و عطيتُه الحياة و الرّجاء و المحبّة يا مالك الوساعة الكونيّة يا سيّد الزّمان يا سيّد الإيّام الإيّام اللّي راحت و الإيّام اللّي جايي يلّي من البداية عارف كيف النّهاية يا يسوع المسيح من هالشّرق بصلّيلَك من جبل البخّور و الزّيتون يا نبع المنابع تندهلك المطالع و الطّرقات اللّي عليها مشيت يا ملك الملوك يلّي بمطارحنا بحقول القصعين ربيت بدّنا نبقى هون و الرّيح تلفحنا ما منترك مطارحنا خلّي وجَّك عَ هالشّرق مضوّي و اعطينا الفرح ... لأنُّه الفرح قوّة يا مالك الوساعة الكونيّة يا سيّد الزّمان يا سيّد الإيّام الإيّام اللّي راحت و الإيّام اللّي جايي يلّي من البداية عارف كيف النّهاية ~-~-~-~-~-~-~-~-~-~ Men Kell El Matare7 من كلّ المطارح من كلّ المطارح جايين الحلوين بأساور و عقودة و بالسّحر مزيّنين يا خصور اللّي بتلفح و عيون اللّي بتدبح يعمَر دينَك يا لبنان يعمَر دينَك يا لبنان يعمَر دينَك يا لبنان شو عندَك حلوين أهلا بصبايا لبنان نهر الفرح والع شبّهتُن بسرب الغزلان اللّي بهالوادي طالع و يا هالصّيف شوي شوي جايي نفرشلُه الفيْ و غنّيّة من حيْ لحيْ و غنّيّة من حيْ لحيْ تنده أهلا بالجايين من كلّ المطارح جايين الحلوين بأساور و عقودة و بالسّحر مزيّنين يا خصور اللّي بتلفح و عيون اللّي بتدبح يعمَر دينَك يا لبنان يعمَر دينَك يا لبنان يعمَر دينَك يا لبنان شو عندَك حلوين البنت بكبر متل الكذبة بليلة قمريّة و بتترُك عَ التّخت اللّعبة و إيّامها الهنيّة و بتروح لَ سهرات العمر اللّي شعلانة من زهر و عطر بالسّحر متوّج بالسّحر بالسّحر متوّج بالسّحر مين اللّي سرقَك مين من كلّ المطارح جايين الحلوين بأساور و عقودة و بالسّحر مزيّنين يا خصور اللّي بتلفح و عيون اللّي بتدبح يعمَر دينَك يا لبنان يعمَر دينَك يا لبنان يعمَر دينَك يا لبنان شو عندَك حلوين ~-~-~-~-~-~-~-~-~-~ Raje3 Ana Raje3 راجع أنا راجع راجع أنا راجع يا أرض الحنين يا كروم الطّفولة و ملاعب الحلوين ويا هاك الصّبيّة اللّي أنا ويّاها بإيّام العيد بأوّل السّهرة كنّا نشرب نبيد و تحت الشّتي نكتب مواعيد إنتِ و أنا و هالأرض اللّي لنا و من دهب الخوابي كاس نبيد راجع أنا راجع يا زهرة النّار لملم ذكرياتي و دفاتر الأشعار مرقوا الخيّالة حمّلوا الطّفولة بيت السّهل بعيد و خبّى اللّيل نجومُه و ضلّ القمر وحيد إنتِ و أنا صيف و عناقيد نسهر سوا عَ طول المدى و من دهب الماضي كاس نبيد ~-~-~-~-~-~-~-~-~-~ Ataf 3an2oud El 3enab قطف عنقود العنب قطف عنقود العنب و قدّملي ياه هديّة لَ عيدي تَ إبقى أنا ويّاه و اعذريني قلّي ... لا دهب لا أساور معي ورقة بيضاء و بركي مرق شاعر قلُّه اكتبلها لَ هاللّي بحبّها كلمة تعلّقها عَ الباب و قطف عنقود العنب و قدّملي ياه قطف عنقود العنب ... قطف شمس زغيرة علّق خصلة بشعري و قال : ندرتِك للغيرة يا عطر الوردات السّود يا أجمل من مدينة من حبّاتُه للعنقود عمل عقد و زينة هيدا أغلى من الدّهب مربّى بإيّام التّعب شمس و فيْ و غيم و ريح و باصوات النّاس انكتب قطف عنقود العنب شو بدِّك تقولي قطف إيّام الصّغر و الضّحكة الخجولة عزمني عَ ليل و عيد و قلّي هيدا نحنا حبّ و فقر و بيت بعيد هيدي مطارحنا سكتت لفتات العتب يا كاس نبيد انسكب صار اللّيل يمرجح ليل و يتلوّى صوب القصب ~-~-~-~-~-~-~-~-~-~ Ra2asni W 7eki رقّصني و حكي قال رقصني و حكي و قال عَ كتفي تكي و ضيع يا هاللّيل بالوديان مين غيرَك يا حلو قال يا نجوم انزلوا و شال نجمة و زيّن الفستان خلّيني هوا و خلّيك بعيوني حلا و خبّيك يا هالطّالع من اللّوم شو بيرضيك كيف ما مال الهوا ميل للعاشق دوا مين غيرَك يا فالنتاين كلّ يوم هوّي نهار فالنتاين |
|
|
|
|
|
| Tags |
| اسامة, الجديد, الرحباني, النظام, غير, لازم, لبنان, هيدا, 1997, album, jadid, nizam, order, oussama, rahbani |
| Currently Active Users Viewing This Thread: 1 (0 members and 1 guests) | |
| Thread Tools | Search this Thread |
|
|
