|
|
|
|||||||
| The Multimedia Room « music, videos, photos, loops, etc... » |
 |
|
|
Share | Thread Tools | Search this Thread |
02-02-2008
|
#1 |
|
Registered Member
Last Online: 08-22-2008
Join Date: Dec 2006
Posts: 1,126
Thanks: 582
Thanked 534 Times in 362 Posts
Groans: 0
Groaned at 0 Times in 0 Posts
|
Beirut
بيروت,
يا تكوّمو: حجاره وشقف دخان; بيروت, حزن ألدني, يا دموع من لبنان بيروت, يا مقبرة ما ضل الها باب بيروت, يا تفرّقو وتشتّتو الأحباب بيروت, شقّ الصبح فل الصباح وغاب بيروت, كلن سوا, قتلو الزمان ال كان... بيروت, وحدي...وعتم... والميّ تشلح ميّ. والدّربّ! ما في درب, والحيّ! ما في حيّ. في رصاص متل الشّتي, في قصف عميشتدّ! صرخت, ما في حدا صرخت, صوتي ارتدّ. لا باب وشوش حكي, لا سراج هزّ و ردّ! يمكن يكونو البشر, اكلو الشّمس والفيّ! بيروت, قومي فتحي, خزّقت تذكرتي. ونسيت حالي منين, كف كنت, كف كنتي. اسمي شلحتو, بعيد, وشلحت عنّي الدّين. ماعدت اعرف حدا, ولا بيعرفوني مين. >>مجنون<<؟ عذري معي, ومارق على مجانين. >>مجنون<< ومسكّرك!... ع جنون سكّرتي. بيروت, حدّ النهر, سيارتن جايه. وقفو م همن حدا, وجوهن مغطّايه... مدري شو قلبو منا! ما حترق القلاّب وكتار دلو عليا, بلكي النظر كذاب. الدولاب جنّ وجفل, وتلبّك الدولاب والقهر, حدّ النّهر, تارك هالحكايه... بيروت, شفتو: ولد; والرّاس عنو بعيد, مشلوح حدّ الفرن, وب كلّ مطرح ايد. مخزوق كيس الخبز, ما ضلّ فيه رغيف, ورغيف شفتو غضب, ورغيف شفتو شقيف! وانسان متل الخشب, ما كان يسال كيف, ت الفرن سدّ الفرن, والجمر صار جليد... بيروت, عملو الحرب, للنهب للسّرقه... التقيو ;الغرب والقرب, وتوحّدو ب فرقه. وعدو الفقير ب غنى, اغتنيو على حسابو. سرقوا تيابو, سوا, و تقاسمو تيابو. بيت الفقير, انهدم, وتحطّبو بوابو, صارت دروبو: النّدم, والقهر, والحرقه... قرفت السّرقه, منن, من كتر ما سرقو! يا الف مرقة جرد بمحل ما مرقو! ما ضل شي ينسرق, سرقو تنك وحجار, والخيّ خيّو سرق, والجار خان جار. عينك تشو الغوى... وقت اللّي سرقو العار... ت العار كدّو العرق من دون, ما عرقو. بيروت, متل الحلم, من زتّنا ب هالحلم من درّجو ه القتل, ع التذكره, ع الاسم؟ مين اخترع هالخطف, ع الحاجز الطيّار؟ مين اخترع هالقنص؟ من خطّ خطّ النّار؟ قتلو الميّة سنه, قتلو ولاد زغار, بيروت, هيدا الظلم... من فلّتو هالظلم؟ بيروت, من هدّمك, من شمّتو هالكون؟ بيروت, من خزّقك؟ من غرّقك باللّون؟ بيروت, من حروقك؟ من فرّقك ت يسود, بدّل تياب الزّهر, بتياب متلو سود؟ بيروت, من قسّمك من حطّ فيكي حدود؟ بيروت انتي العرفه, اللّي وصّلوكي ل هون... بيروت, كبّي غضب, من جرحك المفتوح, ت يحرق ال كانو السّبب, واللّي ما راح يروح. ت يحرق ال حرقو العمر, حرق وال قبل والبعد ت يحرق ال حرقو النّدي, وحرقو زرار الورد ت يحرق ال حرقو الغفا, وحرقو الدّفا والبرد بيروت, كبّي غضب, من جرحك المفتوح... يقلم طربي رحمة Last edited by Jess; 02-02-2008 at 01:14 PM. Reason: Font |
|
|
| The Following User Says Thank You to FriendOfZeus For This Useful Post: | Jess (02-02-2008) |
|
|
| Tags |
| beirut |
| Currently Active Users Viewing This Thread: 1 (0 members and 1 guests) | |
|
|
